Онлайн худалдаанд хүмүүс байнга:
“Нэр хүндтэй хүн байна.”
эсвэл
“Итгэлтэй хүн юм байна.”
гэж ярьдаг.
Заримдаа бүр энэ хоёр үгийг ижил утгаар хэрэглэдэг.
Гэхдээ эдгээр нь огт өөр зүйл юм.
Энэ ялгааг ойлгохгүй бол хүмүүс яагаад залилуулдагийг ойлгоход хэцүү байдаг.
Нэр хүнд гэж юу вэ?
Нэр хүнд бол бусад хүмүүс таны тухай юу бодож байгааг хэлнэ.
Жишээ нь:
- 50,000 дагагчтай.
- Олон жил бизнес хийсэн.
- Олон хүн магтдаг.
- Танил хүмүүс сайнаар ярьдаг.
Эдгээр нь бүгд нэр хүнд.
Нэр хүнд нь өнгөрсөн хугацаанд бий болсон дүр зураг юм.
Өөрөөр хэлбэл:
“Энэ хүн өмнө нь асуудал багатай байсан.”
гэдгийг илэрхийлдэг.
Гэхдээ энэ нь дараагийн арилжаа аюулгүй гэсэн баталгаа биш.
Итгэлцэл гэж юу вэ?
Итгэлцэл бол таны эрсдэлийг хамгаалж байгаа механизм юм.
Жишээ нь:
- Баталгаат төлбөр байна.
- Маргаан шийдэх журам байна.
- Буцаан олголт байна.
- Худалдааны түүх харагдаж байна.
Энэ үед та тухайн хүнд биш, системд итгэж байна.
Өөрөөр хэлбэл:
“Хэрэв асуудал гарвал намайг хамгаалах зүйл бий.”
гэдэг мэдрэмж.
Нэр хүнд өндөр хүн ч залилан хийж болно
Энэ бол хүмүүсийн хамгийн их андуурдаг хэсэг.
Хэн нэгэн:
- Олон мянган дагагчтай.
- Танигдсан хүн.
- Том групптэй.
байж болно.
Гэхдээ энэ нь дараагийн гүйлгээ аюулгүй гэсэн үг биш.
Учир нь нэр хүнд бол мэдээлэл.
Харин итгэлцэл бол хамгаалалт.
Нэг нь өнгөрсөн түүх.
Нөгөө нь ирээдүйн эрсдэлийн удирдлага.
Яагаад Facebook дээр хүмүүс нэр хүндэд найддаг вэ?
Facebook дээр ихэнх худалдаа дараах байдлаар явагддаг.
Худалдан авагч:
- Профайл харна.
- Найзуудын тоо харна.
- Дагагчид харна.
- Постууд харна.
Дараа нь:
“Гайгүй хүн юм шиг байна.”
гэж шийдвэр гаргадаг.
Өөрөөр хэлбэл хүмүүс системийн баталгаагүй үед нэр хүндийг орлуулж ашиглаж эхэлдэг.
Гэвч нэр хүнд бол хамгаалалтын систем биш.
Зөвхөн дохио юм. Шал өмнөө хоёр өөр зүйлс.
Яагаад том платформууд нэр хүндээр шийдвэр гаргадаггүй вэ?
Сонирхолтой нь дэлхийн том платформууд зөвхөн рейтингээр асуудлаа шийддэггүй.
Учир нь тэд нэг зүйлийг ойлгосон.
Нэр хүнд бол хэрэгтэй.
Гэхдээ хангалтгүй.
Тиймээс тэд:
- Үнэлгээ
- Баталгаажуулалт
- Маргаан шийдвэрлэлт
- Төлбөр хамгаалалт
- Худалдааны түүх
гэсэн олон давхар хамгаалалт үүсгэдэг.
Учир нь сайн нэр хүндтэй хүн ч алдаа гаргаж болно.
Акаунт нь хакердуулж болно.
Эсвэл шууд залилан хийж болно.
Итгэлцлийн оноо гэж юу хэмжих ёстой вэ?
Олон систем нэг алдаа гаргадаг.
Тэд нэр хүндийг хэмжээд итгэлцэл гэж нэрлэдэг.
Гэтэл бодит итгэлцэл дараах асуултад хариулах ёстой.
Энэ хүнтэй арилжаа хийхэд эрсдэл хэр өндөр вэ?
Энэ нь:
- Бүртгэлийн нас
- Баталгаажуулалт
- Худалдааны түүх
- Маргааны түүх
- Дүрэм зөрчсөн эсэх
зэрэг мэдээллээс бүрдэнэ.
Өөрөөр хэлбэл итгэлцлийн оноо нь алдартай хүнийг хэмждэггүй.
Эрсдэлийг хэмждэг.
Банкны жишээ
Банк танд зээл олгохдоо:
“Энэ хүн нэр хүндтэй юу?”
гэж асуудаггүй.
Харин:
“Энэ хүн зээлээ төлөх магадлал хэр өндөр вэ?”
гэдгийг тооцдог.
Яагаад гэвэл банк нэр хүнд биш эрсдэлийг удирддаг.
Онлайн худалдаанд ч мөн адил.
Дүгнэлт
Нэр хүнд ба итгэлцэл хоёр ижил зүйл биш.
Нэр хүнд бол:
Бусад хүмүүс таны тухай юу бодож байгаа мэдээлэл.
Итгэлцэл бол:
Эрсдэлийг хэр хэмжээнд удирдаж чадсан механизм.
Тиймээс аюулгүй худалдааны үндэс нь хүмүүсийг алдартай болгоход биш.
Харин танихгүй хоёр хүн хоорондоо арилжаа хийхэд эрсдэлийг бууруулдаг бүтэц бий болгоход оршдог.
Нэр хүнд худалдааг эхлүүлж чадна.
Харин итгэлцэл худалдааг дуусгадаг. ✅
Сэтгэгдэл